Ermənistan Respublikasının iqtisadiyyat naziri Gevorq Papoyan sosial media səhifəsində bildirib ki, əvvəlki ayın qiymətləri ilə müqayisədə benzin və dizel yanacağının litri üçün 80 drama qədər düşmə gözlənilir.
"2025-ci ildə Azərbaycan ərazisindən keçən dəmir yolu ilə Ermənistana 6580 ton taxıl daxil olub ki, bunun 1000 tonu Qazaxıstan, 5580 tonu isə Rusiya, eləcə də 1210 tonu Azərbaycan benzini olub.
8 yanvar 2026-cı il tarixinə olan məlumata görə, dəmir yolu ilə Azərbaycan ərazisindən keçən 8485 ton Rusiya taxılı Ermənistana daxil olub və 4103 tonu yoldadır, həmçinin 7600 ton Azərbaycan neft məhsulları da yoldadır ki, bunun 6100 tonu benzin, 1500 tonu isə dizeldir.
Daha əvvəl qeyd etdiyim kimi, əvvəlki ayın qiymətləri ilə müqayisədə benzin və dizel yanacağının litri üçün 80 drama qədər azalma gözlənilir. Sizə məmnuniyyətlə bildirirəm ki, bu inkişaflar səbəbindən neft məhsulları satan digər şirkətlər də qiymətləri endirmək üçün çalışırlar", - deyə nazir sosial media səhifəsində yazıb.
