Noyabrın 25-də Ermənistan Respublikası Təhlükəsizlik Şurasının katibi Armen Qriqoryan Rumıniya Senatının Xarici Siyasət Komitəsinin sədri Titus Korlatseanın başçılıq etdiyi nümayəndə heyətini qəbul edib.
Təhlükəsizlik Şurasının katibi nümayəndə heyətinin Ermənistana səfərini alqışlayıb, ikitərəfli qarşılıqlı səfərlərin əhəmiyyətini, eləcə də Ermənistan-Rumıniya çoxsahəli əməkdaşlığın daha da dərinləşdirilməsinin vacibliyini vurğulayıb.
Komitə sədri öz növbəsində qəbula görə minnətdarlığını bildirib və Rumıniya tərəfinin iki xalq arasında çoxəsrlik dostluğa əsaslanan əməkdaşlığı fəal şəkildə dərinləşdirməyə hazır olduğunu qeyd edib.
Görüş zamanı həmsöhbətlər Cənubi Qafqazda bərqərar olmuş sülh, o cümlədən “Beynəlxalq sülh və rifah üçün Tramp yolu” kommunikasiya proqramının həyata keçirilməsi ilə bağlı fikir mübadiləsi aparıblar.
