Respublika Prezidenti Vahaqn Xaçaturyan Çin Xalq Siyasi Məşvərət Konfransı Milli Komitəsinin sədr müavini Su Huinin başçılıq etdiyi nümayəndə heyətini qəbul edib.
Prezident qeyd edib ki, Ermənistan-Çin münasibətlərinə iki müstəvidə baxmaq olar. Birincisi, xalqlarımız arasında qarşılıqlı etimad və hörmət mühiti formalaşdıran minillik əlaqələrdir və bu ənənə bu gün də davam edir.
İkincisi, Ermənistan Respublikası ilə Çin Xalq Respublikası arasında 1992-ci ildə başlayan diplomatik əlaqələrdir.
"Son günlər Çində keçirilən yüksək səviyyəli görüşlər ikitərəfli siyasi münasibətləri strateji tərəfdaşlıq səviyyəsinə yüksəldib. Çinlə əlaqələr xarici siyasətimizin mühüm istiqamətidir və strateji tərəfdaşlıq çərçivəsində əməkdaşlıq ölkələrimiz üçün yeni imkanlar açacaq".
Su Hui qəbula görə minnətdarlığını bildirib və qeyd edib: İlk növbədə, Çin Xalq Respublikasının Sədri Si Cinpinin səmimi salamlarını sizə çatdırım.
Bir neçə gündən sonra Ermənistan öz müstəqilliyinin 34-cü ildönümünü qeyd edəcək və bu münasibətlə mən də Çin Xalq Respublikasının Sədri Si Cinpinin təbrik mesajını da çatdırmaq istərdim. Sizi və həmkarlarınızı bu mühüm bayram münasibətilə təbrik edirəm”.
Görüş zamanı Ermənistan-Çin münasibətlərinin müxtəlif aspektləri müzakirə olunub. Hər iki tərəf son illər iqtisadi əlaqələrin dinamik şəkildə inkişaf etdiyini, yeni təşəbbüslər, o cümlədən investisiya proqramlarının təşviqi, infrastruktur və yüksək texnologiyalar sahələrində əməkdaşlıq üçün geniş imkanların olduğunu vurğulayıblar.
Qeyd olunub ki, iki ölkə arasında beynəlxalq platformalarda formalaşan səmərəli tərəfdaşlıq qarşılıqlı maraqların qorunmasına və ikitərəfli siyasi dialoqun möhkəmlənməsinə töhfə verir.
Görüş zamanı regional reallıqlara da toxunulub.
