Ermənistan və Azərbaycan arasında sülh sazişinin Mərkəzi Asiya üçün mühüm geosiyasi nəticələri var. Bunu ABŞ senatoru Stiv Deyns Senatın Xarici Əlaqələr Komitəsində dinləmələr zamanı bildirib və qeyd edib ki, ABŞ düşmənləri Vaşinqtonun regionda artan iştirakını sarsıtmağa çalışırlar.
“Prezident Donald Trampın iştirakı ilə Azərbaycan və Ermənistan arasında paraflanmış sülh sazişinin Mərkəzi Asiya üçün mühüm geosiyasi təsirləri var”, - deyə Daines vurğulayıb.
Senator qeyd edib ki, ABŞ real sərmayələrə və Mərkəzi Asiya dövlətləri ilə daha sıx əməkdaşlığa diqqət yetirməklə “əvvəlki administrasiyanın səhifəsini çevirir”.
Stiv Deynsin fikrincə, Mərkəzi Asiya ölkələri ilə möhkəm əlaqələr qurmaq ABŞ-ın milli təhlükəsizliyi və strateji əhəmiyyətli regionda mövqelərinin möhkəmlənməsi üçün vacibdir.
