İranın xarici işlər naziri Abbas Əraqçi Çinin CGTN telekanalına müsahibəsində deyib ki, Tehran Vaşinqtonun qarşılıqlı faydalı həllə nail olmaq iradəsini görməyincə, ABŞ ilə nüvə danışıqlarının bərpasına razı deyil.
"Bizim nüvə proqramımız yalnız dinc məqsədlər üçündür və biz buna 100 faiz əminik. Bu etimadı başqaları ilə bölüşməkdə problemimiz yoxdur, lakin bu, yalnız danışıqlar yolu ilə mümkündür", - diplomat bildirib.
Əraqçi həmçinin qeyd edib ki, Tehran və Təl-Əviv arasında atəşkəs rejimi son dərəcə qeyri-sabit olaraq qalır. Onun sözlərinə görə, 12 günlük müharibə göstərdi ki, İranın nüvə proqramı ilə bağlı məsələləri güc yolu ilə həll etmək olmaz və İsrail hərbi ssenaridən əl çəkməlidir.
Nazirin sözlərinə görə, İran yalnız ona qarşı hərbi təhdidlərdən əl çəksə və dəymiş ziyanı kompensasiya etsə, danışıqlar masasına qayıtmağa hazırdır.
