Biz sülh müqaviləsinin imzalanması üçün diplomatik kanallar vasitəsilə Azərbaycanla məsləhətləşmələr aparırıq. Bunu jurnalistlərlə keçirdiyi brifinqdə Ermənistan Respublikası Təhlükəsizlik Şurasının katibi Armen Qriqoryan deyib.
Xoznəvar sektorunda baş verənlərə toxunan Təhlükəsizlik Şurasının katibi Ermənistanın Azərbaycana sərhəd insidentlərinin araşdırılması mexanizminin yaradılmasını təklif etdiyini xatırladıb.
“Biz araşdırma mexanizminin yaradılması üçün Azərbaycanla müzakirələrimizi davam etdiririk”, - Qriqoryan bildirib.
Təhlükəsizlik Şurası katibinin sözlərinə görə, sülh quruculuğu prosesində irəliləyiş əldə olunub.
"Delimitasiya nəticəsində indi bizim 12,7 km-lik delimitasiya edilmiş hissəmiz, hər iki tərəfində sərhədçilər olan əlavə sərhəd xəttimiz var", - Təhlükəsizlik Şurasının katibi qeyd edib.
Qriqoryanın sözlərinə görə, baş nazirin müavinləri səviyyəsində işçi qrupları sərhədlərin müəyyənləşdirilməsi prosesinin irəliləməsi üçün işlərini davam etdirir.
“Son razılaşma ondan ibarətdir ki, delimitasiya prosesi Ermənistan-Gürcüstan-Azərbaycan sərhəd məntəqəsindən davam edəcək, danışıqlar yolu ilə həll yollarına nail olmağa çalışırlar ki, delimitasiya prosesi davam etsin”.
