Ermənistan xarici işlər naziri Ararat Mirzoyan Macarıstanın xarici işlər və xarici ticarət naziri Peter Siyarto ilə görüşüb.
Tərəflər ikitərəfli gündəlikdəki məsələləri müzakirə ediblər. Onlar son dövrdə ikitərəfli münasibətlərin inkişafında birgə səylər nəticəsində əldə olunan nəticələri qarşılıqlı məmnunluqla vurğuladılar.
Ermənistan və Macarıstanın xarici işlər nazirləri müxtəlif təşəbbüslərə toxunublar.
Ararat Mirzoyan və Peter Siyarto Ermənistan-Aİ əməkdaşlığının prioritetlərini və tərəfdaşlığın dərinləşdirilməsinə yönəlmiş birgə addımları da müzakirə ediblər.
Regional təhlükəsizliklə bağlı məsələlərə də toxunulub. Nazir Mirzoyan Cənubi Qafqazda sülhün bərqərar olması prosesində, o cümlədən Ermənistan və Azərbaycan arasında sülh müqaviləsinin imzalanması prosesində göstərilən səyləri təqdim edib.
