Bu səfər fransalı həmkarımla iki nazirlik arasında daha sıx əməkdaşlığı nəzərdə tutan niyyətlər haqqında bəyannaməsinin imzalanması ilə əlamətdar oldu.
Bunu Ermənistanın xarici işlər naziri Ararat Mirzoyan Fransanın xarici işlər naziri Jan-Noel Barro ilə birgə mətbuat konfransında deyib.
“Mən təbii ki, bu gün müzakirə etmək imkanımız olan digər mövzulara da toxunmaq istəyirəm. Biz Ermənistan və Fransa arasında zəngin ikitərəfli gündəliyi müzakirə etdik və bizim birlikdə formalaşdırdığımız mozaika münasibətlərimizi strateji xarakterli kimi qiymətləndirməyə əsas verir.
Eyni zamanda, bizim yerlərdə əməkdaşlığımız çox konkret nəticələr verir, məsələn, yeni tikilmiş Vedi su anbarı. Bu, əlbəttə ki, Fransanın Ermənistanın dayanıqlığının gücləndirilməsinə, həmçinin iqtisadi inkişafına töhfə verdiyi yeganə layihə deyil. Biz bir neçə il əvvəl heç müzakirə edə bilmədiyimiz sahələrdə əməkdaşlıq edirik.
Biz infrastrukturu da müzakirə etdik. Biz görürük ki, Fransanın Ermənistanda infrastrukturun inkişafı və tikintisinə marağı artmaqdadır və ümid edirəm ki, yaxın vaxtlarda çox real və konkret xəbərlərimiz olacaq”,- Mirzoyan vurğuladı.
