Beynəlxalq Hüquq Məsələləri üzrə Nümayəndə Yeqişe Kirakosyan Bakıda keçirilən saxta məhkəmələrə toxunaraq qeyd edib ki, bundan əvvəl hələ 2023-cü ildə dövlətlərarası şikayət vermişlər.
"Bizim tam ikinci şikayətimiz də var, onun yazılı mərhələsi keçən ilin dekabrında başa çatıb. Biz Azərbaycana qarşı müvəqqəti tədbirlər tətbiq etmişik, bu tədbirlər çərçivəsində biz mütəmadi olaraq saxlanılan şəxslərin vəziyyəti, eləcə də onların səhhəti və saxlanma şəraiti ilə bağlı məlumat alırıq və onları yaxınlarına çatdırırıq. Son məlumatı fevralın əvvəlində almışıq", - o deyib.
Yeqişe Kirakosyan qeyd edib ki, mətbuatda yayılan video və şəkilləri mütəmadi olaraq izləyirlər.
“Biz onları Avropa Məhkəməsinin diqqətinə çatdırırıq və tələb edirik ki, Avropa Məhkəməsi təkcə Ruben Vardanyan və ya Dağlıq Qarabağın keçmiş rəhbərliyi ilə bağlı deyil, həm də həbsdə olan bütün şəxslərlə bağlı əlavə məlumat verməyə məcbur etsin.
Digər saxlanılan şəxslərin hüquqları ilə bağlı bizim də müəyyən narahatlıqlarımız var və biz bu istiqamətdə kifayət qədər ətraflı işləri davam etdiririk. Biz bunu davam etdirəcəyik".
