Alen Simonyan Aralıq dənizi İttifaqının Parlament Assambleyasının 19-cu plenar iclasında çıxış edib.
O, bu mötəbər tədbirdə çıxış etmək üçün dəvətə görə Senatın sədri İqnazio La Russa, Deputatlar Palatasının sədri Lorenzo Fontana və Aralıq dənizi İttifaqının Parlament Assambleyasının prezidenti Enaam Mayaraya minnətdarlığını bildirib.
“Ölkəmiz Aralıq dənizi İttifaqının üzvü olmasa da, davamlı inkişaf və regional sabitliklə bağlı təşəbbüslər çərçivəsində qurumla əməkdaşlıq edir.İqtisadi, mədəni və geosiyasi maraqları rəhbər tutaraq, biz region ölkələri ilə fəal əməkdaşlıq edirik”, - deyə Simonyan qeyd edib və əlavə edib ki, Ermənistan Qara Dəniz İqtisadi Əməkdaşlıq Təşkilatının qurucu üzvüdür, onun fəaliyyəti çox vaxt Aralıq dənizi İttifaqının fəaliyyəti ilə kəsişir və Ermənistan ümumi məqsədlərə nail olmaq üçün QDİƏT və onun tərəfdaşları arasında daha sıx əməkdaşlığın tərəfdarıdır.
ER Parlamentinin sədri Aralıq dənizi Parlament Assambleyasının tərəfdaş dövləti olmaq arzusunu ifadə edib.
“Ermənistan ciddi humanitar və təhlükəsizlik çağırışları ilə üz-üzədir, hər bir cəmiyyətin sağlamlığına daim mənfi təsir göstərir”, - qyed edib.
Alen Simonyan çıxışında Cənubi Qafqazda iqtisadi, siyasi və mədəni əlaqələrin gücləndirilməsi üçün yeni infrastrukturların yaradılmasına və mövcud infrastrukturların təkmilləşdirilməsinə yönəlmiş “Sülhün kəsişməsi” layihəsinə toxunub.
“Ermənistan Respublikası regional sülh və sabitliyə töhfə vermək öhdəliyini bir daha təsdiqləyir və sərhədlərin açılması ilə bağlı Türkiyə ilə davam edən danışıqların öz bəhrəsini verəcəyinə ümid edir. Biz Aralıq dənizi əməkdaşlığı mexanizmlərinin konstruktiv iştirakçısı olmağa çalışırıq və ümumi rifah naminə ölkələrimizin ehtiyaclarını və prioritetlərini səmərəli şəkildə qarşılamaq üçün bütün tərəfdaşlarla işləməyə hazırıq”, - Parlamentin sədri bildirib.
