Proseslərin dalana dirəndiyini deyə bilmərəm. Xarici işlər nazirinin müavini Vahan Kostanyan hökumətin iclasından sonra jurnalistlərlə keçirdiyi brifinqdə Azərbaycanla danışıqların gedişi ilə bağlı sualı cavablandırarkən deyib.
"Gördünüz ki, delimitasiya komissiyalarının iclası keçirilib və razılıq var ki, yaxın vaxtlarda yeni iclas keçirilsin. Münasibətlərin normallaşdırılmasına dair saziş üzrə danışıqlara gəlincə, biz uzun müddətdir ki, Azərbaycan tərəfinin təqdim etdiyimiz təkliflərə cavab verəcəyini gözləyirik. Ümid edirik ki, prosesin davam etməsi üçün bunu tezliklə alacağıq. Ermənistan əvvəlki kimi konstruktiv mövqe nümayiş etdirməyə və danışıqlarda iştirak etməyə davam edir.
Azərbaycan tərəfinin təhdid xarakterli bəyanatlarına gəlincə, nazir müavini bunları qeyd edib: "Ermənistan Respublikasının ali rəhbərliyi artıq bir neçə dəfə buna rəsmi cavab verib və siz baş nazirin son məqaləsini mütləq görmüşsünüz. Bu cür bəyanatlar regionda eskalasiya fonunu təmin etmək məqsədi daşıyır".
“Ermənistan Respublikası bu cür təxribatlara boyun əyməyəcək və biz danışıqlar prosesinə konstruktiv yanaşmağı davam etdirəcəyik”.
“Azərbaycan Ermənistana hücum edərsə və onun tələb etdiyi “dəhlizi” güc yolu ilə ələ keçirməyə çalışarsa, Ermənistan hansı addımı atacaq” sualına xarici işlər nazirinin müavini belə cavab verib: ““Təbii ki, Ermənistan bütün mövcud vasitələrlə öz ərazi bütövlüyünü qorumalıdır”.
