ER xarici işlər naziri Ararat Mirzoyan dekabrın 2-də Niderlandın xarici ticarət və inkişaf naziri Rainet Klever ilə görüşüb. Bu barədə XİN məlumat yayıb.
Həmsöhbətlər Ermənistan və Hollandiya arasında fəal siyasi dialoqa paralel olaraq sektoral istiqamətlərdə əməkdaşlığın inkişaf etdirilməsi imkanlarını müzakirə ediblər. Qarşılıqlı maraq doğuran sahələr arasında su ehtiyatlarının idarə olunması, səhiyyə, investisiyaların təşviqi yolu ilə iqtisadi əməkdaşlığın təşviqi xüsusi qeyd olunub.
Nazir Mirzoyan qeyd edib ki, ER Niderlandın Ermənistanda demokratiya, qanunun aliliyi və insan hüquqlarının müdafiəsi sahələrində islahatlara dəstəyini yüksək qiymətləndirir və bu, Niderlandın koalisiya hökumətinin prioritetlərini əks etdirən sənəddə də öz əksini tapıb. O, bu istiqamətdə əməkdaşlığın davamlılığının vacibliyini vurğulayıb.
Həmsöhbətlər ER-Aİ tərəfdaşlığının daha da dərinləşdirilməsi perspektivlərini müzakirə ediblər. Bu kontekstdə Ararat Mirzoyan və Rainet Klever regional əlaqələrin təmin edilməsinə yönəlmiş layihələr haqqında da fikir mübadiləsi aparıblar.
Görüşdə ER XİN başçısı həmçinin Dağlıq Qarabağdan məcburi köçkün düşmüş ermənilərin ehtiyaclarının həlli istiqamətində ER hökumətinin atdığı addımları da təqdim edib.
