İranın xarici işlər naziri Abbas Əraqçi Suriyadan Ankaraya gəlib və orada Türkiyə rəsmiləri ilə görüşlər keçirəcək.
Əraqçı jurnalistlərlə görüşündə deyib.
“Biz Bəşər Əsədlə səmərəli fikir mübadiləsi apardıq.
İranın Suriya prezidentinə, hökumətinə, xalqına və ordusuna tam dəstəyini açıq şəkildə ifadə etdim.
Keçmişdə daha çətin dövrlər olub, İŞİD və digər təşkilatlar Suriyanı vətəndaş müharibəsinə sürükləyib, lakin geri çəkiliblər. İndi onlar yenidən fürsət tapıblar və hesab edirlər ki, sionist rejimin Livan və Fələstinə təcavüzünün yaratdığı şərait, eləcə də regiondakı vəziyyət bir irəliləyiş əldə etmək üçün yaxşı fürsətdir”.
İranın xarici işlər naziri vurğulayıb ki, bu, səhv hesablamadır və Suriya ordusu və hökuməti onların öhdəsindən gəlməyə qadirdir, müqavimət qrupları onlara kömək edir və İran hər cür lazımi dəstəyi verəcək.
