Bu günlərdə ER Silahlı Qüvvələri Baş Qərargah rəisinin müavini general-mayor Karen Qriqoryanın rəhbərlik etdiyi nümayəndə heyəti İtaliya Respublikasında səfərdə olub. Bu barədə Ermənistan Respublikasının Müdafiə Nazirliyi məlumat yayıb.
Səfər zamanı Ermənistan nümayəndə heyəti müdafiə sahəsində Ermənistan-İtaliya 2024-cü il əməkdaşlıq proqramının (ITA4) tədbirində iştirak edib.
İtaliya Respublikası Silahlı Qüvvələrinin Mühəndis briqadasının komandanı, briqada generalı Dello Monako və briqadanın bir sıra rəsmiləri ilə görüşdə həm Aİ və NATO, həm də müdafiə çərçivəsində ikitərəfli əməkdaşlığın inkişafı və dərinləşdirilməsi ilə bağlı bir sıra məsələlər müzakirə edilib.
Görüşdə ev sahibi tərəf İtaliya Respublikasının silahlı qüvvələrində həyata keçirilən tədbirlər, mühəndis qoşunlarının hazırlığı, mütəxəssislərin hazırlığı, təlim və məşğələlərin keçirilməsi, o cümlədən sülhməramlı missiyaları zamanı mühəndis bölmələrinin işi barədə ətraflı məlumat verib.
General-leytenant Karen Qriqoryan Ermənistan Respublikasının Müdafiə Departamentinin rəhbərliyi adından dəvətə və qəbula görə təşəkkür edib.
