İranın xarici işlər naziri Abbas Əraqçi Lissabon səfəri zamanı bildirib ki, Tehran oktyabrda İsrailin öz ərazisinə endirdiyi hava hücumlarına cavab vermək hüququnu özündə saxlayır, lakin İran Livanda atəşkəs razılaşması kimi regiondakı digər hadisələri də nəzərə alır.
O, atəşkəs razılaşmasını alqışlayıb və bunun daimi atəşkəsə gətirib çıxaracağına ümid etdiyini bildirib.
"Aydındır ki, Hizbullah Livanın cənubunda yenidən təşkilatlana bildi və qəhrəmancasına müqavimət göstərə bildi. Məncə, İsrailin atəşkəsi qəbul etməsinin əsas səbəbi budur. Nəzərə almaq lazımdır ki, Hizbullah zəifləməyib, bu, Livanda böyük oyunçudur və bölgədəki rolunu və missiyasını davam etdirir”, - İranın XİN başçısı bildirib.
