Diasporla İş üzrə Baş Komissarlıq Aparatının “Step Toward Home” maarifləndirici proqramı başa çatıb. Bu il proqram 6 mərhələ ilə keçirilib və 20 ölkədən 13-18 yaşlı 600 diaspora erməni gənci qəbul edib.
ER Diasporla İş üzrə Baş Komissarlığın ofisindən verilən məlumata görə, proqramın 6-cı mərhələsinin bağlanış mərasimində baş komissar Zareh Sinanyan proqramın məqsədini diaspor erməni gəncləri arasında milli kimliyin qorunub saxlanmasına töhfə vermək olduğunu vurğulayıb.
““Step Toward Home” ofisimizin illik proqramlarından biridir. Səmimi qəlbdən ümid edirəm ki, proqramın iki həftəsi ərzində siz Ermənistanı yeni şəkildə kəşf etdiniz və proqram bitdikdən sonra ünsiyyətinizi davam etdirəcəyiniz dostlar qazandınız”, – deyə Zareh Sinanyan proqram iştirakçılarına müraciət edərək bildirib.
Proqram ərzində gənclər erməni dili, ermənişünaslıq fənləri və milli mahnı və rəqs kurslarına qatılıb, həmçinin Ermənistanın tarixi-mədəni yerlərinə baş çəkib, mövcud təhsil imkanları ilə tanış olublar.
Qeyd olunur ki, proqramın Ermənistanda keçirilən mərhələsinin bütün xərcləri ER hökuməti tərəfindən ödənilir.
