Ararat Mirzoyan Parlamentdə qeyd edib ki, Ermənistan və Azərbaycan arasında danışıqlar 2023-cü ildə uzun müddət dayansa da, hazırda bərpa olunub.
“Əliyev Qranadadan və sonrakı görüşlərdən imtina edəndə bizim xarici işlər nazirləri səviyyəsində danışıqlarımız da eyni vaxtda dayandı.
Bilirsiniz ki, 2024-cü ildə Münhendə, daha sonra Berlində görüşlər bərpa olundu. Təkcə onu əlavə etmək istərdim ki, blokadanın açılmasında maraqlıyıq, biz təsəvvür etdiyimiz prinsiplərə uyğun olaraq, “Sülhün kəsişməsi” adlandırdığımız bir təşəbbüslə çıxış etdik.
Biz əminik ki, bu anlayışlarla infrastrukturların blokadadan çıxarılması təkcə iştirakçı ölkələr üçün deyil, həm də Çindən Avropaya qədər regiondan kənarda iqtisadi cəhətdən faydalı olacaqdır. Bu, iştirakçılar üçün təkcə iqtisadi cəhətdən faydalı olmayacaq, həm də sülhə əhəmiyyətli dərəcədə töhfə verəcəkdir. Biz paylaşdıq, bəziləri alqışlayırlar, təəssüf ki, Azərbaycan belə bir mövqe tutdu ki, bu, utopiyadır. Bu gün bütün dünya yeni logistika yollarının yaradılmasında, şəraitin asanlaşdırılmasında fəal iştirak edir. Hesab edirəm ki, biz bir daha böyük layihələrdən kənarda qalmamaq üçün bütün səylərimizi sərf etməliyik”.
