Yanvarın sonlarında Avropa İnsan Hüquqları Məhkəməsinin sədri 2023-cü il üçün illik hesabatı və statistikanı təqdim edib, Avropa İttifaqının mətbuat xidmətinin məlumatında deyilir.
Hesabatda deyilir ki, Avropa İnsan Hüquqları Məhkəməsinin bütün ölkələrdən icraata götürdüyü işlər 2022-ci ildəki 45,500-dən 2023-cü ildə 34,600-a düşüb.
Bu göstəriciyə əsasən Azərbaycana aid icraata götürülən işlərin sayı 24 faiz artıb
Bu rəqəm 2022-ci ildə 389 idisə, 2023-cü ildə 438 olub. 2021-ci ilin göstəricisi 425 idi.
Avropa İnsan Hüquqları Məhkəməsinin icraata götürdüyü işlərin sayı üzrə birinci üç yeri Türkiyə (8,341), Rumıniya (2,821) və Ukrayna (2,531) bölüşürlər.
Avropa İnsan Hüquqları Məhkəməsinin aidiyyatı hökumətlərlə kommunikasiya, yəni rəy mübadiləsi etdiyi işlərin sayı ümumilikdə 2022 və 2021-ci illərlə müqayisədə azalsa da, Azərbaycanla kommunikasiya edilən işlərin sayında əhəmiyyətli artım qeydə alınıb.
2023-ci ildə Azərbaycanla kommunikasiya edilən şikayətlər 613 olub, halbuki, bu rəqəm 2022-ci ildə 237 idi.
Bütünlükdə Avropa İnsan Hüquqları Məhkəməsi üzrə barəsində qərar verilmiş şikayətlərin sayı 2022-ci illə müqayisədə 2023-cü ildə 39,570-dən 38,260-a düşüb.
2023-cü ildə Azərbaycan üzrə 77 şikayət barəsində qərar çıxaırlıb. Bu rəqəm 2022-ci ildə 51 olub.
2023-cü ilin sonunda Avropa İnsan Hüquqları Məhkəməsində baxılmaq üçün Azərbaycandan 1877, bir il əvvəl isə 2170, 2021-ci ildə 2092 ərizə olub. Bununla belə, Azərbaycan Avropa məhkəməsində baxılmaqda olan işlərin sayına görə Avropa Şurasına üzv ölkələrin onluğuna daxildir.
