Dekabrın 11-də Brüsseldə ER xarici işlər naziri Ararat Mirzoyan Ukraynanın xarici işlər naziri Dmitri Kuleba ilə görüşüb.
ER XİN-in məlumatına görə, görüş zamanı həmsöhbətlər qarşılıqlı maraq doğuran məsələlər üzrə ikitərəfli əməkdaşlıq haqqında fikir mübadiləsi aparıblar.
Görüşdə regional məsələlər də müzakirə olunub. Ararat Mirzoyan ER hökuməti tərəfindən hazırlanmış “Sülh kəsişməsi” proqramını təqdim edib.
Bu barədə Mirzoyan özünün X mikrobloqunda yazıb: “Brüsseldə ukraynalı tərəfdaşım Dmitri Kuleba ilə görüşmək yaxşı fürsətdir. Biz qarşılıqlı maraq doğuran sahələrdə ikitərəfli əməkdaşlığın perspektivləri, eləcə də regional mövzular ətrafında fikir mübadiləsi apardıq”.