Ermənistan Respublikasının Azərbaycana heç bir ərazi iddiası yoxdur. Bunu Ankarada keçirilən brifinqdə Ermənistan-Azərbaycan münasibətlərinə toxunan parlamentin sədri Alen Simonyan bəyan edib.
“Ermənistan Respublikasının Azərbaycana heç bir ərazi iddiası yoxdur və biz sülh müqaviləsi bağlamağa hazırıq və çox maraqlıyıq.
Biz regionun kommersiya baxımından açılmasında problem görmürük. Mallar Ermənistan Respublikasının qanunvericiliyi və suverenliyi nəzərə alınmaqla Azərbaycandan Naxicevana, eləcə də Türkiyəyə sərbəst şəkildə gedə bilər”, - deyə Alen Simonyan bildirib.
O həmçinin qeyd edib ki, bu bölgədə sülhün bərqərar olması Türkiyəsiz mümkün deyil. “Ümid edirik ki, Türkiyə bu bölgədə sülhün bərqərar olması üçün fəal addımlar atacaq”.