Son bir həftə ərzində Dağlıq Qarabağı Ermənistanla birləşdirən Laçin dəhlizi ətrafında baş verən hadisələr belədir: Azərbaycan nəinki Laçin dəhlizinin qeyri-qanuni blokadasını davam etdirdi, həm də növbəti hücumu törədib. Bu barədə Nikol Paşinyan bildirdi.
“Zorla daxil olmasının faktı Rusiya Federasiyasının Müdafiə Nazirliyi tərəfindən də rəsmi bəyanatda qeydə alınıb və orada xüsusi qeyd olunub: “25 mart 2023-cü il tarixində Azərbaycan silahlı qüvvələrinin bölmələri 9 noyabr 2020-ci il tarixli üçtərəfli bəyanatın birinci bəndini pozaraq Şuşi rayonu ərazisindəki təmas məntəqəsini keçərək 20/54 hündürlüyü zəbt edərək mühəndislik işlərinə başlayıb.
Üçtərəfli bəyanatın müddəalarının yerinə yetirilməsi, mühəndis-texniki işlərin dayandırılması və Azərbaycan silahlı qüvvələrinin bölmələrinin ilkin mövqelərinə qaytarılmasının zəruriliyi barədə Azərbaycan tərəfinə tələb irəli sürülüb.
Qeyd edə bilərik ki, Azərbaycan Beynəlxalq Ədalət Məhkəməsinin Laçın dəhlizinin qeyri-qanuni blokadasının aradan qaldırılması ilə bağlı qərarına nəinki əməl etmir, həm də Dağlıq Qarabağın daxili yolların bağlanması üçün addımlar atmaqla vəziyyəti daha da gərginləşdirir”.
O qeyd etdi ki, Azərbaycan tərəfinin bəyantları guya ki, Ermənistandan Dağlıq Qarabağa hərbi yüklər və şəxsi heyət daşınır, tamamilə yalan məlumatdır.
“Hərbi nəqliyyatla bağlı yayılan məlumatlar təbliğat yalandır, məqsədi mümkün eskalasiya üçün legitimlik yaratmaqdır. Bir daha təkrar etməyi zəruri hesab edirəm ki, Ermənistan Dağlıq Qarabağa hərbi nəqliyyat həyata keçirmir, Ermənistanın Dağlıq Qarabağda ordusu yoxdur.
Xatırladaq ki, 2022-ci il oktyabrın 6-da Praqada keçirilən dördtərəfli görüş zamanı bu faktı yoxlamaq üçün Dağlıq Qarabağa beynəlxalq faktaraşdırıcı missiyanın göndərilməsi təklifini Azərbaycan özü rədd etdi. Amma o təklif keçərlidir, hesab edirəm ki, bu məsələyə nəhayət beynəlxalq səviyyədə aydınlıq gətirilməsinə ehtiyac var və bunun yolu da Laçin dəhlizinə və Dağlıq Qarabağa faktaraşdırıcı qrup göndərməkdən keçir”,- Paşinyan vurğuladı.
