Avropa Məhkəməsi Ermənistanın təqdim etdiyi müvəqqəti tədbirlərin tətbiqi tələbi ilə bağlı qərar qəbul edib. Bu barədə ER-in beynəlxalq hüquqi məsələlər üzrə nümayəndəsinin ofisi məlumat verib.
Məhkəmə Ermənistanın təqdim etdiyi sorğuya cavabın göndərilməsi üçün Azərbaycana dekabrın 19-u, saat 16:00-a qədər (Fransa vaxtı ilə) vaxt verilməsinə qərar verib. Bundan sonra Məhkəmə yekun qərarını verəcək.
Xatırladaq ki, ER beynəlxalq hüquqi məsələlər üzrə nümayəndəsinin ofisi dünən Avropa İnsan Haqları Məhkəməsinə müraciət edərək, Azərbaycana qarşı müvəqqəti tədbirlərin görülməsini və Berdzor (Laçın) dəhlizinin açılmasını tələb edib.
