Dekabrın 5-də ER Parlamentinin sədri Alen Simonyan Kollektiv Təhlükəsizlik Müqaviləsi Təşkilatı Parlament Assambleyası Şurasının birgə iclasında və 15-ci plenar iclasda çıxış edib.
Alen Simonyan vurğulayıb ki, ötən sessiyadan sonra Cənubi Qafqaz regionunda hərbi-siyasi vəziyyət daha da gərginləşib, sabitliyə və regional təhlükəsizliyə xələl gətirən hadisələr baş verir. O, sentyabr ayında Ermənistan ərazisini işğal edən Azərbaycan silahlı qüvvələrinin həyata keçirdiyi hərbi əməliyyatlar barədə ətraflı məlumat verib, təcavüzün yeni mərhələsində azərbaycanlıların Ermənistan Respublikasının suveren ərazisinin müəyyən hissələrini işğal etdiyini xatırladıb. O vurğulayıb ki, rəsmi Bakının döyüşkən ritorikası Azərbaycanın gələcək ekspansionist ambisiyalarından xəbər verir. “Bu çətin vəziyyətdə KTMT-dəki tərəfdaşlarımızın hərbi və siyasi dəstəyi Ermənistan üçün son dərəcə vacib idi və erməni tərəfi gözləntilərini açıqladı, bunlar:
1. Ermənistan-Azərbaycan sərhədində sentyabrda eskalasiya ilə bağlı təşkilatın aydın siyasi qiyməti,
2. Azərbaycanın təcavüzündən sonra Ermənistanın ərazi bütövlüyünün bərpası üçün yol xəritəsinin qəbulu”, - deyə ER Parlamentinin sədri bildirib.
O vurğulayıb ki, bu gün üçüncü ölkənin silahlı qüvvələri KTMT-nin məsuliyyət zonasındadır. ER parlamentinin rəhbəri əmin edib ki, Ermənistan heç vaxt KTMT-dən çıxmaq barədə bəyanat verməyib, lakin KTMT-nin regionu tərk etməsi Ermənistanı narahat edən məsələdir. Uzun çıxışda Dağlıq Qarabağ probleminin həllinə toxunulub.
“Bu gün bizim qarşımızda Dağlıq Qarabağ əhalisini qorumaq vəzifəsi var. Azərbaycan artıq Dağlıq Qarabağ probleminin olmadığını, eləcə də Dağlıq Qarabağın yerli erməni əhalisinin olmadığını bəyan etməyə başlayıb. Bir neçə gün əvvəl Azərbaycanın Müdafiə Nazirliyi Rusiya sülhməramlılarından Dağlıq Qarabağ adından və erməni yer adlarından istifadə etməməyi tələb edib. Üstəlik, biz Azərbaycan tərəfinin Laçın dəhlizini bağlamaq niyyətini görürük. Laçın dəhlizi Dağlıq Qarabağ ermənilərinin güzəranı üçün humanitar əhəmiyyət daşıyan yeganə tam hüquqlu yoldur”, - deyə Alen Simonyan vurğulayıb.
Çıxışına yekun vuran Parlamentin sədri qeyd edib ki, Ermənistanın səyləri və həyata keçirdiyi addımlar Ermənistanın münaqişə ilə bağlı bütün məsələlərin sülh yolu ilə həllinə, o cümlədən Dağlıq Qarabağ ermənilərinin hüquq və təhlükəsizliyinin təmin edilməsinə sadiqliyini praktiki olaraq təsdiqləyir.
