Aİ-nin xarici işlər və təhlükəsizlik məsələləri üzrə sözçüsü Peter Stano 9 noyabr tarixli bəyanatın ildönümü münasibətilə açıqlama verib.
“Bu həftə Dağlıq Qarabağda 44 günlük müharibənin ikinci ildönümü qeyd olunur, Avropa İttifaqı münaqişənin bütün qurbanlarının xatirəsini ehtiramla yad edir.
Avropa İttifaqı tərəfləri düşmənçilik səhifəsini çevirməyə və növbəti lazımsız insan itkilərinin qarşısını almaq üçün barışıq səylərini davam etdirməyə çağırır.
Aİ Ermənistan və Azərbaycan rəhbərliyinin mövcud fikir ayrılıqlarını aradan qaldırmaq və regionda sabit və davamlı sülhə nail olmaq üçün atdığı çoxsaylı addımları alqışlayır. Aİ onların müxtəlif səviyyələrdə və formatlarda danışıqlarda davamlı iştirakını yüksək qiymətləndirir.
Bu danışıqların mürəkkəb olması və vaxt aparacağı aydın olsa da, bu sürəti qorumaq, növbəti addımları razılaşdırmaq, regionun təhlükəsizliyini və rifahını təmin etmək vacibdir.
Son 30 ilin yaralarının tezliklə sağalmayacağı qeyri-sabit vəziyyətdə Aİ bir daha tərəfləri ritorikalarını mülayimləşdirməyə və lazımsız eskalasiyadan çəkinməyə, təhdid və ittihamlar səsləndirməməyə, hərbi təxribat və hərəkətlərdən çəkinməyə çağırır.
Aİ tərəflərin istəklərinə fəal şəkildə cavab verməyə Avropa Şurasının sədri Şarl Mişel, Aİ-nin Ali Nümayəndəsi Cozep Borrel, xüsusi nümayəndə Toivo Klaar və digər Aİ mexanizmlərinin birbaşa səyləri də daxil olmaqla, bütün həll edilməmiş məsələlərin hərtərəfli və ədalətli həlli istiqamətində aparılan işləri dəstəkləməyə davam edəcək”.