Brüsseldə Ermənistan və Azərbaycan arasında dövlət sərhədinin delimitasiyası və sərhəd təhlükəsizliyi komissiyalarının 3-cü iclası işə başlayıb.
Bu barədə Avropa İttifaqının Xarici Fəaliyyət Xidmətinin baş katibi Stefano Sannino "Twitter"də bildirib.
"Baş nazirlərin müavinləri Mher Qriqoryanın və Şahin Mustafayevin rəhbərlik etdiyi Ermənistan və Azərbaycan sərhəd komissiyalarını onların 3-cü iclası üçün Brüsseldə salamlamaqdan məmnunluq duyuruq. Avropa İttifaqı tərəfləri təhlükəsizliyi yaxşılaşdırmaq və sərhədlərin delimitasiyası üzrə irəliləyişə nail olmaq üçün addımlar atmağa çağırır",- deyə Aİ rəsmisi bildirib.
