Rusiya Ukrayna ilə bağlı danışıqlar prosesində istənilən təmaslara hazırdır, üstəlik milli maraqlara əsaslanacaq. Bunu Rusiya Xarici İşlər Nazirliyinin rəsmi nümayəndəsi Mariya Zaxarova media ilə həftəlik brifinq zamanı deyib.
“Biz hər zaman istənilən danışıqlara, istənilən təmaslara açığıq, heç vaxt qapını bağlamırıq. Siz yaxşı bilirsiniz ki, bizim mütəxəssislər ən çətin situasiyalarda belə, hər zaman müvafiq arzu və niyyəti ifadə edənlərin hamısı ilə dialoqun tərəfdarıdırlar. Amma eyni zamanda, biz bir daha ölkənin vəziyyətini, məqsəd və vəzifələrimizi, milli maraqlarımızı əsas götürürük”, - deyə diplomat bildirib.
