ER-nin baş nazir Nikol Paşinyan İran İslam Respublikasına qısamüddətli işgüzar səfər edib.
Ermənistanın ərazi idarəetmə və infrastrukturlar naziri Qnel Sanosyan və İranın neft nazirinin müavini, Milli Qaz Şirkətinin direktoru Məcid Çegeni təbii qaz sahəsində əməkdaşlığa dair Anlaşma memorandumu imzalayıblar.
Ermənistan və İran liderlərinin görüşü əvvəlcə dar çərçivədə, sonra isə geniş tərkibdə baş tutub. Həmsöhbətlər Ermənistan-İran münasibətlərinin inkişafı ilə bağlı bir sıra gündəlik məsələləri müzakirə ediblər. Xüsusilə, ticarət-iqtisadi əlaqələrin genişləndirilməsi, ticarət dövriyyəsinin həcminin davamlı olaraq artırılması imkanları müzakirə edilib. Xüsusilə, bu həcmlərin ildə 3 milyard dollara çatdırılmasının zəruriliyi vurğulanıb.
Tərəflər həmçinin infrastrukturun inkişafı, enerji, kənd təsərrüfatı, tikinti və digər sahələrdə əməkdaşlıq məsələlərini müzakirə ediblər. Yükdaşımaların asanlaşdırılması üzrə birgə layihələrin həyata keçirilməsi, Ermənistan və İran arasında üçüncü elektrik verilişi xəttinin tikintisinin başa çatdırılmasının zəruriliyi vurğulanıb.
Görüşdən sonra Ermənistan və İran liderləri media nümayəndələri üçün danışıqların nəticələrini yekunlaşdıran bəyanatlarla çıxış ediblər.
İbrahim Rəisi xüsusilə qeyd edib: “Qafqaz regionu İranın mədəni və sivilizasiya keçmişinin bir hissəsidir və biz bu bölgəyə çox həssasıq. Regionda təhlükəsizlik və sülhün bərqərar olması İran İslam Respublikası üçün çox vacibdir. Cənab Paşinyanla danışıqlarda belə qənaətə gəldik ki, regionun məsələləri və problemləri region ölkələrinin nümayəndələri vasitəsilə mütləq həll olunmalıdır. Xarici qüvvələrin olması heç bir problemi həll etmir, əksinə, yeni problemlər yaradır".
Baş nazir Nikol Paşinyan öz növbəsində vurğulayıb: “Biz regional gündəliyə aid məsələləri də müzakirə etdik və Ermənistan Respublikası və İran İslam Respublikası bu istiqamətdə də çox geniş əməkdaşlıq sahəsi görür. Biz İranın regional təhlükəsizliyin və sabitliyin təmin edilməsi baxımından prinsipial mövqeləyini vurğulayırıq və yüksək qiymətləndiririk. Mən cənab Rəisiyə dünən Soçidə baş tutan üçtərəfli görüşün nəticələri barədə məlumat verdim və regionda sabitliyin və sülhün bərqərar olması üçün gündəm və cari proseslərlə bağlı təəssüratlarımı bölüşdüm.
İranlı tərəfdaşlarımızın Ermənistan-Azərbaycan münasibətləri kontekstində, Ermənistan-Türkiyə münasibətləri kontekstində, Dağlıq Qarabağ probleminin həlli kontekstində baş verənlər barədə məlumatlandırılmasını vacib hesab edirik”.
Baş nazir Nikol Paşinyanın İran İslam Respublikasına qısamüddətli səfəri başa çatıb.
