2022-ci il oktyabrın 28-də videokonfrans vasitəsilə KTMT Kollektiv Təhlükəsizlik Şurasının növbədənkənar iclas keçirilib, ondan əvvəl təşkilata üzv ölkələrin xarici işlər nazirlərinin məsləhətləşmələri keçirilib. Bu barədə KTMT-nin mətbuat xidməti məlumat yayıb.
İclas zamanı dövlət başçıları KTMT-nin baş katibi Stanislav Zasın Ermənistan-Azərbaycan sərhədində vəziyyətin gərginləşməsi ilə əlaqədar 2022-ci il sentyabrın 15-də KTMT Kollektiv Təhlükəsizlik Şurasının qərarı ilə Ermənistana göndərilmiş missiyasının işi barədə hesabatını dinləyiblər.
Kollektiv Təhlükəsizlik Şurasının üzvləri təşkilatın sülhün, beynəlxalq və regional təhlükəsizliyin və sabitliyin möhkəmləndirilməsi, kollektivlik əsasında KTMT-yə üzv dövlətlərin müstəqilliyinin və ərazi bütövlüyünün və suverenliyinin qorunmasında təşkilatın öhdəliklərinə sadiqliyini təsdiqləyib, regiondakı mövcud vəziyyəti və Ermənistana yardım göstərmək üçün birgə tədbirləri müzakirə ediblər.
Tərəflər qeyd etdilər ki, mövcud ziddiyyətlər və mübahisəli məsələlər siyasi və diplomatik yollarla, o cümlədən Ermənistanın baş naziri, Rusiya və Azərbaycan prezidentlərinin 2020-ci ilin noyabrın 9-da, 2021-ci ilin yanavrın 11-də, noyabrın 26-da imzalanmış üçtərəfli bəyanatlar əsasında həll edilməlidir.
Belarus Xarici İşlər Nazirliyi bildirdi ki, noyabrda eyni formatda daha bir görüş keçiriləcək.
