Litvada Rusiyanın Baltikyanı regionda infrastruktur obyektlərinə hücum planlarına dair kəşfiyyat məlumatları var və bunlar müxtəlif vasitələrlə həyata keçirilə bilər. Prezident Gitanas Nauseda bu barədə BNS xəbər agentliyinə müsahibəsində bildirib.
Eyni zamanda o əlavə edib ki, bu hücumların nə vaxt və harada baş verə biləcəyi barədə məlumat yoxdur. "Biz dəqiq yeri və vaxtı bilmirik, çünki düşmən hələ planlarını bitirməyib. Biz yalnız hazırlıq faktı və ya nəzərdə tutulan hədəf haqqında bilirik", - Nauseda izah edib.
Prezident bildirib ki, ehtiyat tədbiri kimi Vilnüs enerji və nəqliyyat obyektlərinin mühafizəsini gücləndirir.
Müsahibədə o, sadəcə olaraq Rusiyanın hücumlarının hədəfində hansı ölkənin olacağını qeyd etməyib, lakin iyunun sonunda Polşa bildirib ki, Qərb kəşfiyyat orqanları Rusiyanın NATO-nun şərq qanadında təxribat risklərinin artmasından narahatdır.
