Ermənistanın xüsusi tapşırıqlar üzrə səfiri Edmon Marukyan özünün Facebook səhifəsində Ermənistanın Baş naziri Nikol Paşinyan, Fransa prezidenti Emanuel Makron, Avropa İttifaqı Şurasının prezidenti Şarl Mişel və Azərbaycan prezidenti İlham Əliyev arasında keçirilən görüşün nəticələrinə toxunub.
O qeyd edib ki, Azərbaycan sərhəd boyunca yerləşdiriləcək Aİ-nin mülki missiyası ilə əməkdaşlığa razılıq verib. Ona görə də Azərbaycanın gələcək təcavüzü yerindəcə izləniləcək, üstəlik Ermənistanın suveren ərazisinin artıq işğal olunmuş hissəsi də qeydə alınacaqdır.
Marukyan xatırladıb ki, 2022-ci il oktyabrın 5-də Aİ-nin xarici işlər və təhlükəsizlik siyasəti üzrə ali nümayəndəsi Cozep Borrell Aİ-nin təmas zonasına müşahidə missiyası göndərmək istədiyini, lakin Azərbaycanın buna qarşı olması üçün missiya göndərilmədiyini açıqlayıb.
“Bundan başqa, Azərbaycan BMT Nizamnaməsinə və Alma-Ata Bəyannaməsinə uyğun olaraq Ermənistanı tanımağa razılıq verib, bundan sonra Azərbaycan artıq delimitasiya prosesi zamanı Ermənistanın suveren ərazisinə heç bir ərazi iddiası irəli sürə bilməz. Bu həm də o deməkdir ki, Azərbaycan silahlı qüvvələri indiyədək işğal olunmuş ərazilərdən çıxmalıdır”, - Marukyan qeyd edib.
