Çinin fövqəladə və səlahiyyətli səfiri Fan Yonq Syunikdə işgüzar səfərdədir. Bu gün onu Syunikin icra hakimiyyət başçısının müavini Hayk Harutyunyan və bölgənin icra hakimiyyətinin rəhbər heyəti qəbul edib.
Syunikdə ilk dəfə olan səfir bildirib ki, səfərinin məqsədi Çin və Syunik bölgəsi arasında əməkdaşlıq barədə müzakirələr aparmaqdır.
"Syunik Ermənistan Respublikası üçün böyük əhəmiyyət kəsb edən bölgədir. Son illər ölkələrimiz arasında ticarət dövriyyəsinin ən yüksək faizini mədən sənayesi məhsulları təşkil edir və o, əsasən Syunikdən ixrac olunur" – deyə Fan Yonq vurğulayaraq əlavə edib ki, bu, əməkdaşlıq etmək üçün yeganə sahə deyil və yeni sahələr tapmaq lazımdır.
Bununla bağlı səfirlik öz ölkələrinin investorlarını Syunikə yönəltməyə hazırdır.
Regional hakimiyyət orqanları yüksək rütbəli diplomata Syunikin Çin tərəfi ilə əməkdaşlıq edə biləcək, investorları maraqlandıra biləcək və ya təcrübə mübadiləsi baxımından region üçün faydalı ola biləcək əsas istiqamətləri təqdim edib.
Görüş zamanı təhsil, turizm, yol tikintisi, digər infrastrukturların, qardaş şəhərlər institutunun işə salınması, yerli özünüidarəetmə, Syunikdəki yerli məhsulların ixracı və s. ilə bağlı bir sıra sahələr və məsələlər müzakirə olunub.
Qeyd olunub ki, görüşdə əsas diqqətin əməkdaşlıq haqqında fikir mübadiləsinin aparılması idi və daha sonra tərəflər daha dar peşəkar qruplarla onların dərinləşdirilməsi üçün əməli addımlar atacaq.
