İyulun 19-da Varşavada rəsmi səfərdə olan Ermənistan Respublikasının xarici işlər naziri Ararat Mirzoyan Polşa Respublikası Senatının sədri Tomaş Qrodzki ilə görüşüb.
Tərəflər qeyd ediblər ki, parlament formatında sıx əməkdaşlığı Ermənistan-Polşa dövlətlərarası münasibətlərinin gündəliyinin zənginləşməsində və dostluq əlaqələrinin dərinləşməsində mühüm rol oynayır.
Görüşdə Ermənistan Respublikasının XİN başçısı həmsöhbətə Dağlıq Qarabağ münaqişəsi zonasındakı vəziyyəti və Dağlıq Qarabağ probleminin həlli və Azərbaycanla münasibətlərin normallaşması ilə bağlı Ermənistan tərəfinin mövqeyini təqdim edib.
Ararat Mirzoyan vurğulayıb ki, Azərbaycanın ekstremist ritorikası regional sabitliyin və sülhün bərqərar olunmasına yönəlmiş səylərə zərbə vurur.
Nazir 44 günlük müharibənin yaratdığı humanitar problemlərə toxunaraq, Azərbaycanda qeyri-qanuni saxlanılan erməni hərbi əsirlərin və mülki şəxslərin dərhal vətənə qaytarılmasının, eləcə də erməni tarixi, mədəni və dini abidələrinin qorunmasının vacibliyini vurğulayıb.
Vurğulanıb ki, Dağlıq Qarabağ münaqişəsi öz həllini sülh yolu ilə, danışıqlar masasında tapmalıdır.
