Mayın 3-də ABŞ-a işgüzar səfəri çərçivəsində Ermənistan Respublikasının xarici işlər naziri Ararat Mirzoyan Vaşinqtonda Milli Demokratiya İnstitutunun (NDI) prezidenti Derek Mitçel ilə görüşüb.
Tərəflər 1994-cü ildən qurulan əməkdaşlıq çərçivəsində həyata keçirilən birgə proqramların səmərəliliyini yüksək qiymətləndiriblər.
Ararat Mirzoyan 2018-ci il məxməri inqilabdan sonra Ermənistanda Milli Demokratiya İnstitutunun ofisinin yenidən açılmasına əhəmiyyət verib.
Nazir Ermənistanın demokratiyanın təşviqinə, qanunun aliliyinin gücləndirilməsinə və korrupsiyaya qarşı mübarizəyə sadiqliyini bir daha təsdiqləyib, Ermənistan hakimiyyəti tərəfindən həyata keçirilən islahatların dövlət orqanlarının şəffaflığını artırmaq məqsədi daşıdığını vurğulayıb.
