Avqustun 27-də Ermənistanın xarici işlər naziri Ararat Mirzoyan Rusiyanın Ermənistandakı səfiri Sergey Kopirkini qəbul edib.
Ararat Mirzoyan qeyd edib ki, Ermənistan dünən qəbul edilmiş hökumət proqramında da qeyd olunan dövlətlərarası gündəmin bütün istiqamətlərində Rusiya ilə müttəfiq münasibətlərini dərinləşdirməyə, genişləndirməyə davam edəcək.
Qeyd edilib ki, regional və beynəlxalq səviyyələrdə inkişaf dinamikası Ermənistan-Rusiya münasibətlərinə yeni təkan vermək ehtiyacını daha da gücləndirir.
ER xarici işlər naziri Rusiyanın 2020 -ci il 9 noyabrda imzalanmış üçtərəfli bəyanatın razılaşmalarının həyata keçirilməsinə yönəlmiş səylərindən məmnunluğunu bildirib.
Azərbaycanın son təxribatlarına, o cümlədən Goris-Kapan avtomobil yolunun bağlanmasına toxunan Ararat Mirzoyan, Azərbaycan tərəfinin vəziyyəti gərginləşdirmək və bölgədə sülh yaratmaq səylərini pozduğunu vurğulayıb.
Tərəflər KTMT çərçivəsində əməkdaşlığı da müzakirə ediblər. Ararat Mirzoyan vurğulayıb ki, Ermənistanın KTMT-yə gələcək sədrliyi təşkilatın inkişafı və potensialının gücləndirilməsi üçün fəal səy göstərəcək.
