ABŞ son vaxtlar Ermənistanla Azərbaycan arasındakı beynəlxalq sərhəddə vəziyyətin gərginləşməsini pisləyir.
ABŞ Dövlət Departamenti tərəfləri atəşkəsə dair öhdəliklərinə əməl etməyə və gərginliyi azaltmaq üçün dərhal addımlar atmağa çağırdı.
“Birləşmiş Ştatlar münaqişənin uzunmüddətli siyasi həllinə nail olmaq üçün ATƏT-in Minsk Qrupu həmsədrlərinin himayəsi altında mümkün qədər tez zamanda danışıqlara qayıtmağa çağırır”,-deyə “Armenpress”-ə Dövlət Departamentdən bildiriblər.
Vaşinqtona görə, Ermənistan-Azərbaycan sərhədində davam edən gərginlik o faktı sübut edir ki, yalnız həll edilməmiş bütün məsələlərin hərtərəfli həlli ilə iki ölkə arasındakı münasibətlər normallaşdırılacaq və bölgədəki insanların birlikdə sülh şəraitində yaşamasına imkan yaranacaqdır.
