TASS xəbər verir ki, Birləşmiş Ştatlar Qarabağ münaqişəsi zonasında davam edən gərginlik fonunda Azərbaycana hərbi yardım daxil olmaqla müxtəlif növ yardımların məqsədəuyğunluğunu nəzərdən keçirməyə davam edəcək.
Bunu çərşənbə axşamı ABŞ dövlət katibi Entoni Blinken bəyan edib.
Vaşinqtonun Bakıya yardım məsələsi ABŞ Xarici İşlər Nazirliyinin rəhbərinin də qatıldığı ABŞ Senatının Xarici Əlaqələr Komitəsində qaldırılıb. Komitə sədri, demokrat Robert Menendes ABŞ rəhbərliyinin Azərbaycan hökumətinə hərbi yardım da daxil olmaqla yardım göstərməyə davam etməsini təmin edən qərarından məyus olduğunu bildirib. ABŞ hökumətinin icra hakimiyyəti bu qərarı may ayında açıqlayıb.
"Bu məsələni müzakirə etməyə davam edəcəyik"- deyə Blinken Menendesə cavab verib.
“Mən bu istiqamətdə fəal işləmişəm, xüsusilə əsirlərin qaytarılması, Dağlıq Qarabağ münaqişəsinin həllinə dair danışıqlar məsələsində qarşılıqlı razılıq üçün”- deyə Entoni Blinken qeyd edib.
