Bişkekdə Rusiya prezidenti Putinlə Ermənistanın baş naziri Nikol Paşinyan arasında keçirilən görüşdə Rusiya lideri kənd təsərrüfatı məhsullarının tənzimlənməsi, müxtəlif texniki normalar və standartlar da daxil olmaqla müəyyən məsələlərin AİB və Avropa İttifaqında tamamilə uyğunsuz olduğunu qeyd edib.
Daha əvvəl Ermənistanın baş naziri Nikol Paşinyanla danışıqlar zamanı Rusiya prezidenti Ermənistanın Aİ-yə qoşulmaq niyyətinə münasibət bildirərək, bu prosesin başlanması ilə bağlı qanunun qəbul edilməsinin AİB-dən çıxma bəyanatı hesab ediləcəyini qeyd edib.
"Rusiyanın erməni xalqı ilə dərin kökləri var, lakin Ermənistanın eyni zamanda həm Aİ, həm də AİB-in bir hissəsi olması mümkün deyil", - deyə Rusiya prezidenti bildirib.
O, xatırladıb ki, Ermənistan AİB daxilində işləməkdən əhəmiyyətli fayda əldə edir və bu, təkcə enerji qiymətlərinə aid deyil.
"Rusiya və Ermənistan Avrasiya İqtisadi Birliyi (AİB) və Avropa İttifaqı ilə bağlı sakit dialoq aparmaq barədə razılığa gəliblər", - deyə Rusiya prezidenti Vladimir Putin bildirib.
Ermənistanın baş naziri Nikol Paşinyan Moskvada dialoqun davam etdirilməsi barədə razılığa gəlindiyini təsdiqləyib. Eyni zamanda, o, Bişkekdə Rusiya prezidenti ilə görüşünü "çox yaxşı" adlandırıb.
