Ermənistandan Azərbaycana ixrac halı qeydə alınmayıb. Bu barədə 1Lurer.am saytına ER DGK-nin mətbuat xidmətindən məlumat verilib.
DGK-dən bildirilib: “Mətbuatda yayılan məlumata cavab olaraq bildiririk ki, ER Dövlət Gəlirləri Komitəsinin gömrük statistikasına əsasən, gömrük orqanı tərəfindən Ermənistandan Azərbaycana ixrac halı qeydə alınmayıb”.
Bir müddət əvvəl Azərbaycan mediası Dövlət Gömrük Komitəsinə istinadən yazırdı ki, bu ilin mart ayında Azərbaycan ilk dəfə olaraq Ermənistandan 960 dollar dəyərində mal idxal edib.
