"Ölkəmizin yeri Avropadadır və biz yenidən güclü Avropa müttəfiqi və NATO üzvü olacağıq, Avropadakı mövqeyimizi bərpa edəcəyik", - deyə Macarıstan parlament seçkilərində qalib gələn Tisza partiyasının lideri Peter Magyar keçirilən mitinqdə bildirib.
O, əlavə edib ki, ilk xarici səfərləri Varşava və Vyanaya olacaq, bundan sonra Brüsselə səfər edərək AB-ni milyardlarla avroluq dondurulmuş vəsaitlərin açılmasına çağıracaq.
Magyar həmçinin Macarıstan prezidenti Tamaş Şujoku hökumət qurmaq istənildikdən dərhal sonra istefa verməyə çağırıb. O, Viktor Orbanın təyin etdiyi digər liderlərə də oxşar mesaj göndərib.
