9 apreldə Ermənistan Respublikası Təhlükəsizlik Şurasının katibi Armen Qriqoryan Avstriya Parlamentinin Avstriya-Ermənistan Dostluq Qrupunun sədri Martina fon Künsberq-Sarrenin rəhbərlik etdiyi nümayəndə heyətini qəbul edib. Bu barədə Təhlükəsizlik Şurasının ofisi məlumat verib.
Təhlükəsizlik Şurasının katibi nümayəndə heyətinin Ermənistana səfərini alqışlayıb və xüsusilə son dövrlərdə ikitərəfli münasibətlərdə qeydə alınan davamlı inkişafın müsbət dinamikası nəzərə alınmaqla yüksək səviyyəli qarşılıqlı səfərlərin vacibliyini qeyd edib.
Tərəflər Ermənistan-Avstriya çoxsektorlu əməkdaşlığı ilə bağlı məsələləri müzakirə ediblər.
Həmsöhbətlər həmçinin Ermənistan-AB tərəfdaşlığının inkişafı, Ermənistan-Azərbaycan münasibətlərinin normallaşdırılması prosesindəki son inkişaflar, eləcə də regional təhlükəsizlik vəziyyəti barədə fikir mübadiləsi aparıblar.
