İranın ən böyük neft terminalının ərazisində yerləşən Xarq adasına mümkün ABŞ hücumu neft qiymətlərinə əhəmiyyətli dərəcədə təsir göstərəcək. Bu barədə İran İslam İnqilabı Keşikçiləri Korpusunun (SEPAH) dəniz qüvvələrinin komandanı Əlirza Tangsiri bildirib.
“Əgər Hörmüz boğazının ağıllı şəkildə idarə olunması sizə yeni neft qiymətləri indeksləri gətiribsə, Xarq adasına hücum dünyada qiymətlərdə və enerji bölgüsündə daha ciddi və yeni bərabərliyə səbəb olacaq”, - deyə SEPAH komandiri X sosial şəbəkəsində yazıb.
Bir müddət əvvəl Axios mənbələrə istinadən bildirib ki, ABŞ prezidenti Donald Tramp Hörmüz boğazının açılması səyləri təxirə salınarsa, İranın Xarq adasını ələ keçirmək məsələsini nəzərdən keçirir.
