AB-nin xarici siyasət rəhbəri Kaya Kallas bildirib ki, AB-nin dəniz missiyası “Aspides”, bu marşrut vasitəsilə neft və qaz tədarükünü bərpa etmək üçün Qırmızı dənizdən Hörmüz boğazına köçürülməlidir.
AB-nin “Aspides” əməliyyatı 2024-cü ildə Husilərin Qırmızı dənizdəki gəmilərə hücumlarından sonra başlayıb.
İtaliya, Fransa və Yunanıstanın əvvəllər AB-nin “Aspides” dəniz missiyasının bir hissəsi olaraq Qırmızı dənizə hərbi gəmilər göndərdiyi bildirilirdi. Lakin Britaniyanın Financial Times qəzeti münaqişənin gərginləşməsi ilə bağlı narahatlıqlar səbəbindən heç bir Avropa donanmasının hazırda gəmiləri boğazdan keçirməyə hazır olmadığını bildirib.
Onun sözlərinə görə, “Aspides” əməliyyatını başqa yerə köçürməklə yanaşı, AB ölkələri region üçün "istəklilər koalisiyası" yaratmaq imkanlarını araşdırırlar. "Həmçinin, Hörmüz boğazını mümkün qədər tez necə açacağımızı da müəyyən etməliyik", - deyə Kalas qeyd edib.
