Fevralın 13-də Ermənistanın müdafiə naziri Suren Papikyan ABŞ-nin Ermənistandakı səfirliyinin müvəqqəti işlər vəkili Devid Allen ilə görüşüb. O, ABŞ-nin müdafiə sektorunda Ermənistanla əməkdaşlığı inkişaf etdirməyə hazır olduğunu, eləcə də Ermənistanın müdafiə islahatları prosesinə dəstəyini ifadə etdi.
“Nazir Papikyan Devid Alleni vəzifəsinin icrasına başlaması münasibətilə təbrik etdi və ona uğurlar arzuladı. Görüş zamanı Ermənistan-ABŞ müdafiə sektorunda əməkdaşlığı ilə bağlı məsələlər müzakirə edildi.
Suren Papikyan Ermənistanın müdafiə islahatlarının aktiv mərhələsində olduğu bu dövrdə Ermənistan-ABŞ əməkdaşlığının vacibliyini vurğuladı. İkitərəfli hərbi-texniki əməkdaşlığa da toxunuldu.
Tərəflər xüsusilə təhsil, təlim, təcrübə mübadiləsi və peşəkar məsləhət sahələrinə önəm verdilər.
David Allen ABŞ-ın Ermənistanla müdafiə sektorunda əməkdaşlığı inkişaf etdirməyə hazır olduğunu, eləcə də Ermənistanın müdafiə islahatları prosesinə dəstəyini bildirdi.
Regional və beynəlxalq təhlükəsizliklə bağlı məsələlər də müzakirə edildi”, - bəyanatda bildirilir.
