Fevralın 2-də Ermənistan Respublikası Parlamentinin sədri Alen Simonyan Macarıstan Parlamentinin sədr müavini İştvan Yakabla görüşüb. Bu barədə Parlament məlumat yayıb.
Ermənistan Respublikasına səfərinə görə minnətdarlığını bildirən Alen Simonyan Ermənistan-Macarıstan münasibətlərinin inkişafı baxımından bu cür səfərlərin əhəmiyyətini yüksək qiymətləndirib.
İştvan Yakab öz növbəsində səmimi qəbula görə Ermənistan Respublikası Parlamentinin sədrinə təşəkkür edib və ikitərəfli münasibətlərin inkişafı üçün böyük potensialın olduğunu qeyd edib.
Həmsöhbətlər Ermənistan-Avropa İttifaqı münasibətləri, Ermənistan və Azərbaycan arasında bərqərar olmuş sülh, eləcə də parlamentlərarası əlaqələrin aktivləşdirilməsi barədə fikir mübadiləsi aparıblar.
