Ermənistan Parlamentin sədri Alen Simonyan Ermənistan Ordu Günü münasibətilə təbrik mesajı göndərib. Mesajda deyilir:
“Əziz həmvətənlər, cənab zabitlər və çox sevilən hərbçilərimiz,
Hamımızı Ermənistan Respublikası Ordusunun yaradılmasının 34-cü ildönümü münasibətilə təbrik edirəm.
Orduya yalnız müharibə kontekstində baxılan təsəvvürlər artıq geridə qalıb. Bu gün Silahlı Qüvvələrin vacib missiyasını qiymətləndirərək, onu sülhün qorunmasının, dövlətçiliyin möhkəmləndirilməsinin və cəmiyyətin inkişafının əsas dayağı kimi görürük ki, bu missiyanı inkişaf etdirməklə irəliləyə, təhlükəsiz, ədalətli və demokratik Ermənistan qura bilərik.
Bir daha xidmət zamanı həlak olan hərbçilərimizin xatirəsinə baş əyirik və xidmətləri ilə ölkəmizin təhlükəsizliyini və gələcəyini möhkəmləndirən hər kəsə minnətdarlığımızı bildiririk.
Ermənistan Ordusuna şöhrət,
Yaşasın azad, müstəqil və suveren Ermənistan Respublikası”.
