ABŞ prezidenti Donald Tramp narkotik vasitələrin qanunsuz dövriyyəsi ilə mübarizə bəhanəsi ilə Kolumbiyada hərbi əməliyyatların keçirilə biləcəyini istisna etməyib.
ABŞ liderinin sözlərinə görə, həmin respublikaya “kokain istehsal edib ABŞ-da satmağı sevən xəstə bir adam rəhbərlik edir”.
Tramp Kolumbiyada hərbi əməliyyatları istisna etməyibsə, Kuba məsələsində ABŞ liderinin fikrincə, buna ehtiyac qalmayacaq.
“Düşünürəm ki, Kubada heç bir tədbir görməməliyik, bunun uğursuz olacağı öz-özünə aydındır” deyən ABŞ prezidenti həmin ölkənin əvvəllər Venesuela neftindən gəlir əldə etdiyini, indi isə ondan məhrum olduğunu qeyd edib.
