Noyabrın 25-də Ermənistanın Lüksemburqdakı səfirliyinin müvəqqəti işlər vəkili Arpine Xaçatryan Lüksemburqun mədəniyyət naziri və turizm üzrə kiçik nazir Erik Tiel ilə görüşüb. Bu barədə Ermənistanın Belçikadakı səfirliyi məlumat yayıb.
Görüş zamanı həmsöhbətlər Ermənistan və Lüksemburq arasında mədəniyyət, mədəni irsin qorunub saxlanılması, kino, ədəbiyyat və turizm sahələrində əməkdaşlığı genişləndirmək üçün qarşılıqlı istəyi vurğulayıblar.
Cari təşəbbüslər, həmçinin Ermənistan və Lüksemburq arasında münasibətlərin möhkəmləndirilməsinə və qarşılıqlı anlaşmanın inkişafına yönəlmiş yeni əməkdaşlıq proqramları üçün imkanlar müzakirə edilib.
