ABŞ və Ukrayna danışıqlar qrupları “yenilənmiş və təkmilləşdirilmiş sülh planı” barədə razılığa gəliblər və yaxın günlərdə “intensiv” işi davam etdirməyi planlaşdırırlar.
BBC-nin məlumatına görə, ölkələrin birgə bəyanatında ABŞ-ın Cenevrədəki planı üzrə danışıqların son dərəcə məhsuldar keçdiyi bildirilib.
ABŞ dövlət katibi Marko Rubionun sözlərinə görə, Rusiya tərəfindən ehtiyatla qarşılanan sülh planında böyük irəliləyiş var, lakin Kiyev və Avropa liderləri bunu Kreml üçün çox əlverişli hesab ediblər.
Rubio bildirib ki, hələ görüləsi işlər var, əsas məqsəd bütün açıq məsələləri ABŞ-ın 28 bəndlik planına sıxışdırmağa çalışmaqdır. ABŞ-ın yüksək rütbəli diplomatının sözlərinə görə, yekun razılaşma Rusiyaya təqdim edilməmişdən əvvəl Ukrayna və ABŞ prezidentləri tərəfindən razılaşdırılmalıdır və bəzi məsələlər hələ də müzakirə olunur.
Eyni zamanda, Ukrayna prezidenti Vladimir Zelenski qeyd edib ki, prezident Trampın komandasının Ukraynanı dinlədiyinə dair siqnallar var.
ABŞ-ın təklif etdiyi yeni plan hələ tam dərc olunmayıb.
