Baş nazir Nikol Paşinyan Ermənistanda akkreditə olunmuş Avropa İttifaqına üzv dövlətlərin səfirləri ilə görüşüb. Görüşdə Aİ-nin Ermənistandakı nümayəndə heyətinin rəhbəri səfir Vasilis Maragos da iştirak edib.
Baş nazir və səfirlər Ermənistan-Avropa İttifaqı münasibətlərinin gündəliyini, son irəliləyişləri və gələcək əməkdaşlıq perspektivlərini müzakirə ediblər.
Onlar 8 avqustda Vaşinqtonda keçirilən Sülh Zirvəsi nəticəsində regiondakı vəziyyət, Ermənistanla Azərbaycan arasında bərqərar olan sülh, TRIPP və “Sülh Kəsişməsi” layihələri də daxil olmaqla, regionda kommunikasiya yollarının açılmasına yönəlmiş addımlar barədə fikir mübadiləsi aparıblar.
Baş nazir Nikol Paşinyan səfirləri maraqlandıran sualları da cavablandırıb.
