Ermənistan Respublikası ilə Almaniya Federativ Respublikası arasında hökumətlərarası danışıqlar yaxın günlərdə keçiriləcək.
Bu barədə Ermənistan Respublikasının Almaniyadakı səfiri Viktor Yengibaryan məlumat verib.
“Danışıqlar zamanı növbəti iki il üçün maliyyə və texniki əməkdaşlığın prioritetləri müzakirə olunacaq və razılaşmalar əldə ediləcək. Ermənistan nümayəndə heyətinə iqtisadiyyat naziri Gevorq Papoyan, Almaniya nümayəndə heyətinə isə İqtisadi Əməkdaşlıq və İnkişaf Nazirliyinin dövlət katibi Nils Annen rəhbərlik edir.
İki ölkənin nümayəndə heyətlərinin tərkibinə müxtəlif departamentlərin yüksək vəzifəli nümayəndələri daxildir. Yüksək vəzifəli görüşlərlə yanaşı, iş adamları ilə görüşlər də planlaşdırılır. Ermənistan səfiri Viktor Yengibaryan da danışıqlarda və yüksək vəzifəli görüşlərdə iştirak edəcək”, - deyə bəyanatda bildirilir.
